Үйлчилгээний нөхцөл

"Zahiy.mn", "бид", "платформ" гэдэг нь Zahiy.mn-ийг ажиллуулж буй операторыг хэлнэ. Нөхцөл нь веб хуудас, dashboard, booking link, Meta холболт, мэдэгдэл болон төлбөртэй холбоотой функцэд үйлчилнэ.

Платформ нь бизнес болон хэрэглэгчийг холбох технологийн үйлчилгээ үзүүлнэ. Үндсэн гоо сайхан, эрүүл мэнд, сургалт болон бусад үйлчилгээг тухайн бизнес өөрөө үзүүлж, чанар, аюулгүй байдал, зөвшөөрөл, татвар, баримтаа хариуцна.

Бизнес бүртгэл үүсгэх хүн нь тухайн бизнесийг төлөөлөх эрхтэй, үнэн зөв мэдээлэл өгсөн байна. Нэвтрэх мэдээлэл, эрхийн тохиргоо болон ажилтны хандалтыг бизнес хамгаална.

Хуурамч мэдээлэл, бусдын Meta Page, Instagram account, банкны мэдээллийг зөвшөөрөлгүй холбохыг хориглоно.

• Үйлчилгээ, ажилтан, үнэ, ажлын цаг удирдах
• Нийтийн профайл болон booking link ашиглах
• Календарь, сануулга, voucher болон тайлан ашиглах
• Instagram эсвэл Facebook-ээс booking link автоматаар илгээх

Chatbot нь чат дотор шууд захиалга үүсгэхгүй. Хэрэглэгч booking хуудсанд сонголтоо хийж, урьдчилгаа төлбөр баталгаажсаны дараа захиалга үүснэ.

Бизнес үйлчилгээний үнэ, үргэлжлэх хугацаа, ажилтан, сул цаг, урьдчилгааны хувийг үнэн зөв тохируулна. Хэрэглэгч сонголт, имэйл хаяг, утасны дугаар болон төлбөрийн мэдээллээ илгээхийн өмнө шалгана.

Урьдчилгаа төлбөр баталгаажаагүй хүсэлт нь баталгаажсан захиалга биш. Давхар төлбөр, техникийн саатал эсвэл төлөв зөрсөн тохиолдолд төлбөрийн түншийн баталгаажсан бүртгэлийг үндэслэнэ.

Төлбөрийг QPay эсвэл Монгол Улсад зохих эрхтэй төлбөрийн үйлчилгээ үзүүлэгчээр боловсруулна. Zahiy.mn нь тусгай зөвшөөрөлгүйгээр банк, цахим мөнгө эсвэл хадгаламжийн үйлчилгээ үзүүлэхгүй.

Zahiy.mn-ээр QPay ашиглан амжилттай төлөгдсөн гүйлгээний дүнгээс Zahiy.mn-ийн платформын үйлчилгээний 3%, QPay-ийн төлбөр боловсруулах үйлчилгээний 1% шимтгэлийг тус тус тооцно. Хоёр шимтгэлийг ижил гүйлгээний дүнгээс бодох бөгөөд нийт 4% байна. Бизнес эдгээр шимтгэлтэй танилцаж, зөвшөөрсний үндсэн дээр бүртгэлээ үргэлжлүүлнэ.

100,000₮-ийн төлбөрийн жишээнд Zahiy.mn 3,000₮, QPay 1,000₮, бизнест хоёр шимтгэлийн дараа 96,000₮ үлдэнэ. Энэ жишээнд татвар болон буцаалтын тохируулга оруулаагүй. Бизнесийн шимтгэлийн тайлбар, тооцоог харах.

Төлбөр тухайн бизнесийн дансанд шууд орно. Төлбөр хүлээн авах данс, QPay холболтын мэдээллээ бизнес өөрөө зөв тохируулна.

Бизнес цуцлалт, хоцролт, no-show болон урьдчилгаа буцаах бодлогоо захиалга хийхээс өмнө хэрэглэгчид ойлгомжтой харуулна. Zahiy.mn бизнесийн батлаагүй буцаалтын амлалтыг өмнөөс нь өгөхгүй.

Захиалгад тухайн бизнесийн захиалга хийх үед нийтэлсэн цуцлалт, буцаалтын нөхцөл үйлчилнэ. Цуцлалт, буцаалтын хүсэлтээ үйлчилгээ үзүүлэгч бизнест гаргана. Захиалга цуцлагдсан төлөв нь мөнгө буцаасан гэсэн үг биш.

Бизнес урамшууллын төрөл, хамрагдах үйлчилгээ, хувь, авах болон бэлгийн тоо, хүчинтэй нөхцөлийг өөрөө тогтооно. Төөрөгдүүлсэн үнэ, бодитоор олгохгүй бэлэг, хугацаа эсвэл үлдэгдлийг нуухыг хориглоно.

Хувийн voucher booking link дээр бодогдож болно. 2+1 зэрэг олон удаагийн багцын ашиглалтын тоо болон бэлгийн үйлчилгээг бизнес тусад нь баталгаажуулна.

• Үйлчилгээ үзүүлэх эрх, мэргэжлийн шаардлага, эрүүл ахуй, аюулгүй байдлыг хангах
• Үнэ, татвар, баримт, ажилтан болон хуваарийн мэдээллийг зөв байлгах
• Хэрэглэгчийн мэдээллийг зөвхөн захиалга гүйцэтгэх зорилгоор ашиглах
• Гомдол, цуцлалт, refund болон үйлчилгээний маргаанд хугацаанд нь хариулах

Хэрэглэгч үнэн зөв холбоо барих мэдээлэл өгч, сонгосон цагтаа ирэх, бизнесийн нийтэлсэн нөхцөлтэй танилцах үүрэгтэй. Бусдын төлбөрийн хэрэгсэл, хуурамч утас, автомат халдлага, хууль бус агуулга ашиглахыг хориглоно.

Бизнес Meta-ийн албан ёсны зөвшөөрлийн урсгалаар өөрийн Page болон Instagram Professional account-ыг холбоно. Meta-ийн дүрэм, permission, messaging window болон account status-аас шалтгаалан функц түр хязгаарлагдаж болно.

Хэрэглэгч захиалгатай холбоотой баталгаажуулалт, сануулга, цуцлалтын мэдээлэл авахыг зөвшөөрнө. Маркетингийн мессежид тусдаа зөвшөөрөл авна.

Zahiy.mn-ийн программ, брэнд, дизайн болон баримт бичгийн эрх операторт хамаарна. Бизнес өөрийн оруулсан зураг, лого, үйлчилгээний тайлбарыг ашиглах эрхтэй гэдгээ батална. Хууль зөрчсөн контентыг мэдэгдэлгүйгээр нуух эсвэл устгаж болно.

Бид аюулгүй, тогтвортой ажиллагааг хангах зохистой арга хэмжээ авна. Интернэт, Meta, QPay, банк, оператор, төхөөрөмж болон давагдашгүй хүчин зүйлээс үүссэн тасалдлыг бүрэн хянах боломжгүй.

Хуулиар хязгаарлахыг хориглосон хариуцлагыг энэ нөхцөл хязгаарлахгүй. Платформын буруугаас шууд үүссэн хохирлыг нотлох баримт, шалтгаант холбоо болон хэрэглэж болох хуулийн хүрээнд шийдвэрлэнэ.

Залилан, мэдээллийн аюулгүй байдлын эрсдэл, төлбөрийн маргаан, хууль бус үйлчилгээ, Meta permission зөрчил, төлөгдөөгүй шимтгэл илэрвэл платформын account болон холбогдох функцийн хандалтыг шалгалтын хугацаанд түдгэлзүүлж болно.

Account хаахад хууль, татвар, төлбөр, маргаан болон хамгаалалтын зорилгоор хадгалах шаардлагатай мэдээллээс бусдыг Нууцлалын бодлогын дагуу устгана.

Энэ нөхцөлийг Монгол Улсын хууль тогтоомжид нийцүүлэн тайлбарлана. Маргааныг эхлээд бичгээр хэлэлцэж шийдвэрлэхийг оролдоно. Шийдэгдэхгүй бол эрх бүхий байгууллага, шүүхэд хандах эрх нээлттэй.

Үйлчилгээний хүсэлт: support@zahiy.mn. Хэрэглэгчийн хуульд заасан гомдол гаргах эрхийг энэ нөхцөл хязгаарлахгүй.